"Əmək və məşğulluq“ altsisteminin (ƏMAS) yenilikləri və üstünlükləri" və "Əmək qanunvericliyinin təmin olunması, əməyin mühafizəsinə dair normativ-hüquqi aktların icrası" mövzularında maarifləndirici tədbir keçirilib

Əmək və Əhalinin Sosial Müdafiəsi Nazirliyi yanında Dövlət Əmək Müfəttişliyi Xidməti, Xidmətin tabeliyində Əməyin Mühafizəsi Mərkəzi ilə birgə Sumqayıt şəhərində "Əmək və məşğulluq“ altsisteminin (ƏMAS) yenilikləri və üstünlükləri" və "Əmək qanunvericliyinin təmin olunması, əməyin mühafizəsinə dair normativ-hüquqi aktların icrası" mövzularında növbəti maarifləndirmə tədbiri keçirib. 

Tədbirdə hökumət və qeyri-hökumət qurumlarının nümayəndələri, həmçinin Abşeron-Xızı regionunda yerləşən müəssisələrin işəgötürənləri iştirak edib.

Təqdimatlar vasitəsilə çıxışlar edilib. Qeyd edilən mövzular barədə ətraflı məlumatlar verilib. 

“Əməyin Mühafizəsi Mərkəzi” publik hüquqi şəxsin (Mərkəz) əməkdaşı da öz növbəsində sahə üzrə qanunvericiliyin tələblərini qonaqların diqqətinə çatdırmaqla yanaşı qurum haqqında ətraflı məlumat verərək bildirib ki, Mərkəz əmək hüquqları, əməyin mühafizəsi və təhlükəsizliyi sahəsində məsləhət xidmətləri göstərməklə, əməyin mühafizəsi üzrə standard, norma və qaydaların müəssisələrdə tətbiqinə mühüm dəstək göstərir. 

Tədbirdə həmçinin işəgötürənlərə “Business Ready” hesabatı barədə məlumat verilib.

Tədbirin sonunda işəgötürənləri maraqlandıran suallar cavablandırılıb.