Gəncə və Bərdə şəhərlərində “Əmək münasibətlərində gender bərabərliyi - bərabər hüquqlar, bərabər imkanlar” mövzusunda maarifləndirmə tədbirləri keçirilib

Əmək və Əhalinin Sosial Müdafiəsi Nazirliyi tərəfindən “Əmək münasibətlərində gender bərabərliyi - bərabər hüquqlar, bərabər imkanlar” mövzusunda regionlarda maarifləndirmə tədbirləri davam edir. 

Nazirlik yanında Dövlət Əmək Müfəttişliyi Xidmətinin təşkilatçılığı ilə keçirilən tədbirlərdə məqsəd əmək münasibətlərində gender bərabərliyinin təmin edilməsi, habelə qadınların əmək bazarında iştirak imkanlarının artırılması üçün əmək qanunvericiliyində edilmiş son dəyişikliklərlə bağlı məlumatlandırmanın aparılmasıdır.

Növbəti tədbirlər Gəncə və Bərdə şəhərlərində keçirilib. 

İşəgötürənlərin və sosial tərəfdaşların nümayəndələrinin iştirakı ilə keçirilən tədbirlərdə qeyd edilən mövzularda məlumatlar verilib, iştirakçıların sualları cavablandırılıb. Maarifləndirmə tədbirlərinin ölkəmizin bütün iqtisadi rayonlarında keçirilməsi nəzərdə tutulur.