İmişli şəhərində işəgötürənlər üçün maarifləndirici tədbir keçirilib

Əmək və Əhalinin Sosial Müdafiəsi Nazirliyi yanında Dövlət Əmək Müfəttişliyi Xidməti tərəfindən İmişli şəhərində işəgötürənlər üçün maarifləndirici tədbir keçirilib. Tədbirdə Əməyin Mühafizəsi Mərkəzinin əməkdaşı iştirak edib. 

Tədbir  “ƏMAS-ın imkanları və yeniliklər” və "İş yerlərində əməyin mühafizəsi"   mövzularını əhatə edib. 

Tədbirdə Xidmətin Mil-Muğan regional şöbəsini əhatə edən rayonlar üzrə dövlət və özəl sektora aid müəssisə və  təşkilatların nümayəndələri, Nazirliyin strukturuna daxil olan region üzrə digər qurumlarının, həmçinin Nazirliyin sosial tərəfdaşlarının əməkdaşları iştirak ediblər.

Görüş zamanı qonaqlara müvafiq mövzular üzrə milli qanunvericiliyin norma və tələbləri barədə ətraflı məlumat verilib.

Əməyin Mühafizəsi Mərkəzinin gördüyü işlər barədə ətraflı məlumat qonaqların diqqətinə çatdırılıb. Bildirilib ki, Mərkəz əmək hüquqları, əməyin mühafizəsi və təhlükəsizliyi sahəsində məsləhət xidmətləri göstərməklə, əməyin mühafizəsi üzrə standart, norma və qaydaların müəssisələrdə tətbiqinə mühüm dəstək göstərir.