Lənkəranda uşaqların əmək hüquqlarına dair maarifləndirmə tədbiri keçirilib

Lənkəran şəhər 8 nömrəli tam orta məktəbdə “Uşaqların əmək hüquqları, məcburi əmək və insan alverinin qarşısının alınması” mövzularında maarifləndirmə tədbiri təşkil olunub.

Tədbirdə Dövlət Əmək Müfəttişliyi Xidmətinin Lənkəran - Astara regional şöbəsinin və Lənkəran şəhər polis şöbəsinin əməkdaşları, həmçinin məktəbin pedaqoji kollektivi və şagirdlər iştirak ediblər.

Tədbirdə uşaq əməyinin istismarına qarşı mübarizənin önəmi və uşaqların əmək hüquqlarının qorunması istiqamətində həyata keçirilən tədbirlər barədə məlumat verilib. Bundan əlavə, məcburi əməyin və insan alverinin qarşısının alınması məqsədilə birgə fəaliyyətlərin vacibliyi vurğulanıb. 

Qeyd edək ki, tədbir “İnsan Hüquqları Aylığı” çərçivəsində, həmçinin Əmək və Əhalinin Sosial Müdafiəsi Nazirliyinin “Azərbaycan Respublikasının Nazirlər Kabineti yanında Uşaq Hüquqlarının Müdafiəsi üzrə Komissiyanın 2025-ci il üçün Tədbirlər Planı”nın icrasına dair əmr əsasında təşkil olunub.