Növbəti maarifləndirmə tədbiri Bakıda keçirilib

Əmək və Əhalinin Sosial Müdafiəsi Nazirliyi yanında Dövlət Əmək Müfəttişliyi Xidməti Bakı şəhərində fəaliyyət göstərən işəgötürənlərin əmək sahəsində maariflənmə işinə dəstək vermək üçün tədbir keçirib.

Tədbir “Analığın mühafizəsi, qadınların əmək hüquqları, gender bərabərliyi”, “İş yerlərində əməyin mühafizəsi” mövzularına həsr edilib.

Tədbirdə Xidmətin tabeliyindəki Əməyin Mühafizəsi Mərkəzi, Azərbaycan Həmkarlar İttifaqları Konfederasiyası, Azərbaycan Respublikası Sahibkarlar (İşəgötürənlər)Təşkilatları Milli Konfederasiyasından mütəxəssislər iştirak edib. Müvafiq mövzularda çıxışlar dinlənilib.

Görüşdə Əməyin Mühafizəsi Mərkəzinin gördüyü işlər barədə işəgötürən və onun nümayəndələrinə ətraflı məlumatlar verilib. Bildirilib ki, Mərkəz əmək hüquqları, əməyin mühafizəsi və təhlükəsizliyi sahəsində məsləhət xidmətləri göstərməklə, əməyin mühafizəsi üzrə standard, norma və qaydaların müəssisələrdə tətbiqinə mühüm dəstək göstərir.

Çıxışlarda mövzu ilə bağlı iştirakçılara ətraflı məlumatlar verilib və tədbir iştirakçılarının sualları cavavblandırılıb.