Qadınların və fiziki məhdudiyyətli şəxslərin əmək hüquqları mövzusunda onlayn tədbir keçirilib

Əmək və Əhalinin Sosial Müdafiəsi Nazirliyi yanında Dövlət Əmək Müfəttişliyi Xidməti işəgötürənlər üçün "Uşaqların əmək hüquqları. Məcburi əmək və insan alverinin qarşısının alınması" mövzusunda növbəti maarifləndirici onlayn tədbir keçirib. Görüşdə 100-ə yaxın müəssisədən nümayəndə iştirak edib.

Tədbirin giriş nitqini Lənkəran-Astara regional şöbəsinin rəisi Etibar Vəliyev söyləyib. Əmək və Əhalinin Soaial Müdafiəsi Nazirliyi yanında Dövlət Əmək Müfəttişliyi Xidmətində aparılan struktur islahatları barədə məlumat verən E. Vəliyev bildirib ki, Lənkəran regional ərazi şöbəsi ilə Masallı regional ərazi şöbəsinin bazasında Lənkəran-Astara regional şöbəsi yaradılmışdır. Yeni yaradılan regional şöbəninin fəaliyyət sahəsi Astara, Cəlilabad, Lerik, Lənkəran, Masallı və Yardımlı rayonlarını əhatə edir. Müvafiq rayonlardan daxil olan hər bir müraciətin qanunvericiliyinin tələbləri əsasında araşdırılaraq cavablandırılacağı vurğulanıb.

Ombudsmanın Cəlilabad Regional Mərkəzinin rəhbəri Ziya İsmayılov da tədbirə dəvət olunub. O, çıxışında bu mövzuda tədbirin təşkilinin önəmindən danışıb. O, ümumən uşaq hüquqlarının ölkə səviyyəsində prioritet məsələ olduğunu vurğulayaraq uşaqların dövlətin nəzarətində olduğunu bildirib.

Tədbirdə Xidmətin Lənkəran-Astara regional şöbəsinin əməkdaşları tərəfindən mövzu ilə bağlı çıxışlar edilib.

Tədbir zamanı müəssisə və təşkilatlarda 15-18 yaşlı işçilərin əmək hüquqları və təminatları ilə bağlı əmək qanunvericiliyinin tələbləri izah olunub. İşəgötürülənlər məcburi əmək və insan alverinin qarşısının alınması ilə bağlı Əmək Məcəlləsinin və müvafiq qanunvericiliyin tələbləri barədə ətraflı məlumatlandırılıb.

Sonda tədbir iştirakçılarının sualları cavablandırılıb, izahlar verilib.