Şəhid Nadirov Rəşad Nadim oğlunun ailəsi ziyarət edilib

Əmək və Əhalinin Sosial Müdafiəsi Nazirliyi yanında Dövlət Əmək Müfəttişliyi Xidmətinin əməkdaşları  şəhid Nadirov Rəşad Nadim oğlunun ailəsini Bərdə rayonunda ziyarət ediblər.

Azərbaycan Prezidenti İlham Əliyevin Sərəncamlarına əsasən R.Nadirov "Vətən uğrunda", "Xocavəndin azad olunmasına görə" medalları ilə təltif olunub.

Ailə ilə söhbət zamanı şəhidin keçdiyi şərəfli döyüş yolundan bəhs olunub, onun xatirəsinin əbədi olaraq yaşayacağı vurğulanıb. Xidmət əməkdaşları ailənin sosial vəziyyəti ilə maraqlanıb. 

Şəhidin ailəsinin sosial vəziyyətinin bundan sonra da həmişə diqqətdə saxlanacağı vurğulanıb.