"Uşaqların əmək hüquqları. Məcburi əmək və insan alverinin qarşısının alınması" mövzusunda təlim

İşəgötürənlərlə onlayn görüşlər davam edir

14 iyun 2022-ci il tarixində saat 11:00-da Dövlət Əmək Müfəttişliyi Xidməti “İnsan Hüquqları Aylığı” çərçivəsində "Uşaqların əmək hüquqları. Məcburi əmək və insan alverinin qarşısının alınması" mövzusunda növbəti onlayn maarifləndirmə tədbirini keçirəcək.

Tədbirin təlimçisi Xidmətin Mərkəzi Aran regional şöbəsinin əməkdaşıdır.

Onlayn tədbirlərdə iştirak etmək istəyən işəgötürənlər qeydiyyatdan keçmək üçün Dövlət Əmək Müfəttişliyi Xidmətinə elektron qaydada (demx-metbuat@sosial.gov.az) müraciət edə bilərlər. Müraciətdə müəssisənin adı, iştirak edəcək şəxsin ad, soyad, ata adı, əlaqə nömrəsi və e-mailinin qeyd olunmağı xahiş edilir.

QEYD: Onlayn görüşlərdə iştiraka dair link yalnız qeydiyyatdan keçmiş şəxslərə göndəriləcək.