Bakı şəhəri üzrə məktəblilərin əməyin mühafizəsi sahəsində maarifləndirilməsi davam edir

Paytaxt məktəblərində əməyin mühafizəsinə dair maarifləndirmə tədbirləri davam etdirilir.

Əmək və Əhalinin Sosial Müdafiəsi Nazirliyi yanında Dövlət Əmək Müfəttişliyi Xidmətinin tabeliyində fəaliyyət göstərən Əməyin Mühafizəsi Mərkəzi tərəfindən təşkil olunan növbəti tədbir Bakı şəhəri 276 nömrəli tam orta məktəbdə keçirilib.

Tədbirdə müəllim və şagird kollektivindən ibarət 400-ə yaxın şəxs iştirak edib. İştirakçılara əməyin mühafizəsinin əhəmiyyəti, təhlükəsizlik və yanğından mühafizə qaydaları, eləcə də əmək fəaliyyəti zamanı hüquq və vəzifələr barədə ətraflı məlumat verilib, “Vision Zero” yanaşmasının əsas prinsipləri izah olunub.

Tədbirin sonunda mövzu ətrafında fikir mübadiləsi aparılıb və iştirakçıların sualları cavablandırılıb.