Bərdədə qadınların əmək hüquqları və əməyin mühafizəsi mövzusunda maarifləndirmə tədbiri keçirilib

Bərdə şəhərində işəgötürənlər üçün “Analığın mühafizəsi, qadınların əmək hüquqları, gender bərabərliyi” və “İş yerlərində əməyin mühafizəsi” mövzularında maarifləndirmə tədbiri təşkil olunub.

Tədbirdə Əmək və Əhalinin Sosial Müdafiəsi Nazirliyi yanında Dövlət Əmək Müfəttişliyi Xidmətinin Qarabağ regional şöbəsinin əhatə etdiyi rayonlarda fəaliyyət göstərən müəssisə, idarə və təşkilatların 30-a yaxın nümayəndəsi iştirak edib.

Maarifləndirmə tədbiri çərçivəsində iştirakçılara analığın mühafizəsi, qadınların əmək hüquqlarının təmin olunması, gender bərabərliyi, eləcə də iş yerlərində əməyin mühafizəsi ilə bağlı qanunvericiliyin tələbləri barədə ətraflı məlumat verilib.

Eyni zamanda, sağlam və təhlükəsiz əmək mühitinin formalaşdırılmasını təşviq edən “Vision Zero” konsepsiyasının əsas prinsipləri və iş yerlərində təhlükəsizlik mədəniyyətinin gücləndirilməsində rolu iştirakçıların diqqətinə çatdırılıb.

Tədbir zamanı qeyd olunan mövzular ətrafında fikir mübadiləsi aparılıb, iştirakçıları maraqlandıran suallar cavablandırılıb.