Cari ilin 7 ayı ərzində Xidmət tərəfindən 27 000 müraciət araşdırılaraq cavablandırılıb

Yanvar-iyul ayları ərzində Əmək və Əhalinin Sosial Müdafiəsi Nazirliyi yanında Dövlət Əmək Müfəttişliyi Xidmətinə daxil olan 27 000 müraciət müvafiq qaydada cavablandırılıb. Onlardan 13 846-sı əmək hüquqlarının pozulması ilə bağlı müraciət, 13 154-ü isə sorğu və məktubdur.

Bundan əlavə, Xidmətin rəhbər vəzifəli şəxsləri və əməkdaşları tərəfindən fərdi qaydada qəbul edilən vətəndaşların sayı 6 865 nəfər olub.

Daxil olan müraciətlər əsasən topdan və pərakəndə ticarət, avtomobillərin təmiri, tikinti, emal sənayesi, yaşayışın təşkili və ictimai iaşə, nəqliyyat və digər sahələrlə bağlı olub.

Hər bir müraciət qanunvericiliyin tələbləri əsasında cavablandırılıb, sorğu xarakterli müraciətlərə isə müvafiq izahatlar verilib.