Cari ilin 9 ayı ərzində Xidmət tərəfindən 35 347 müraciət araşdırılaraq cavablandırılıb

Yanvar-sentyabr ayları ərzində Əmək və Əhalinin Sosial Müdafiəsi Nazirliyi yanında Dövlət Əmək Müfəttişliyi Xidmətinə daxil olan 35 347 müraciət müvafiq qaydada cavablandırılıb. Onlardan 19 128 əmək hüquqlarının pozulması ilə bağlı müraciət, 16 219 isə sorğu və məktubdur.

Bundan əlavə, Xidmətin rəhbər vəzifəli şəxsləri və əməkdaşları tərəfindən fərdi qaydada qəbul edilən vətəndaşların sayı isə 8 578 nəfər olub.

Daxil olan müraciətlər əsasən topdan və pərakəndə ticarət, avtomobillərin təmiri, tikinti, emal sənayesi, yaşayışın təşkili və ictimai iaşə, nəqliyyat və digər sahələrlə bağlı olub.

Hər bir müraciət qanunvericiliyin tələbləri əsasında cavablandırılıb, sorğu xarakterli müraciətlərə isə müvafiq izahatlar verilib.