Dövlət Əmək Müfəttişliyi Xidməti işəgötürənlər üçün “İş vaxtının növləri, iş vaxtının rejimi və iş vaxtından artıq vaxtda işin tənzimlənməsi qaydaları” mövzusunda növbəti onlayn maarifləndirici tədbir keçirib

Dövlət Əmək Müfəttişliyi Xidməti işəgötürənlər üçün “İş vaxtının növləri, iş vaxtının rejimi və iş vaxtından artıq vaxtda işin tənzimlənməsi qaydaları” mövzusunda növbəti onlayn maarifləndirici tədbir keçirib

Görüşdə 100-ə yaxın müəssisədən nümayəndə iştirak edib.

Xidmətin Bakı şəhər İdarəsinin əməkdaşları mövzu ilə bağlı geniş təqdimatlarla çıxış ediblər.

Bildirilib ki, işçi işəgötürənlə bağlanan əmək müqaviləsi əsasında qanunvericiliklə müəyyən olunmuş iş vaxtında çalışmaq, qanunvericiliklə müəyyən olunmuş həftələrarası istirahət günlərindən istifadə etmək hüququ əldə edir. Həmçinin, işçi qanunvericiliklə müəyyən olunmuş hallarda qısaldılmış iş vaxtında çalışmaq hüququna malikdir. Gündəlik normal iş vaxtının müddəti 8 saat, həftəlik normal iş vaxtının müddəti isə 40 saatdır. Lakin işçi işəgötürənin əmri (sərəncamı, qərarı) və onun razılığı ilə müəyyən olunmuş iş günü vaxtından artıq müddət ərzində əmək funksiyasını yerinə yetirməyə cəlb edilə bilər ki, bu vaxt da o həmin artıq iş saatlarına görə əlavə əmək haqqı almaq hüququ əldə edir.

Sonda mövzu ilə bağlı suallar cavablandırılıb.