"Əmək sahəsində” standartlaşdırma üzrə Texniki Komitənin növbəti iclası baş tutub

“Əmək sahəsində” standartlaşdırma üzrə Texniki Komitənin (AZSTAND/TK21) növbəti iclası keçirilib.

İclasda “Azərbaycan Standartlaşdırma İnstitutu” PHŞ tərəfindən təqdim olunan yeni layihələr və əmək sahəsində normativ tənzimləmələrin təkmilləşdirilməsi istiqamətində görüləcək tədbirlər müzakirə olunub. İclasın gündəliyinə əsasən, 2025-ci il üzrə Texniki Komitənin Fəaliyyət Planına uyğun olaraq 111 standartın hazırlanması prosesinə dair məsələlərə baxılıb.

Görüş zamanı Texniki Komitə üzvlərinə nəzərdə tutulmuş 111 standartdan 17-sinin “Azərbaycan Standartlaşdırma İnstitutu” PHŞ tərəfindən təsdiqlənməsi barədə məlumat verilib. Eyni zamanda təqdim edilən növbəti 18 standart layihəsinin qəbul edilməsi barədə müsbət rəy verilərək təsdiq edilməsi üçün müvafiq quruma təqdim edilməsi qərara alınıb.

Bununla yanaşı, Komitənin digər fəaliyyət planları üzrə nəzərdə tutulan standart layihələri, həmçinin milli standartlaşdırma sisteminin beynəlxalq tələblərə uyğunlaşdırılması ilə bağlı “2023–2025-ci illər üçün Dövlət Proqramı” çərçivəsində tədbirlərin icrası müzakirə edilib və təkliflər dinlənilib.

Sonda əməyin mühafizəsi sahəsində standartların təsdiq edilməsi işlərinin yekunlaşdırılması və yeni standartların hazırlanması üçün tədbirlərin görülməsinin vacibliyi vurğulanıb.