Əməyin Mühafizəsi Mərkəzi ilə ADNSU arasında əməkdaşlıq imkanları müzakirə olunub

Dövlət Əmək Müfəttişliyi Xidmətinin tabeliyində fəaliyyət göstərən Əməyin Mühafizəsi Mərkəzinin nümayəndələri ilə Azərbaycan Dövlət Neft və Sənaye Universitetinin (ADNSU) nümayəndələri arasında görüş keçirilib.

ADNSU-da keçirilən görüşdə tərəflər arasında əməkdaşlıq imkanları və gələcək birgə fəaliyyət istiqamətləri müzakirə olunub.

Görüş zamanı laboratoriya infrastrukturunun inkişafı, ISO/IEC 17025 standartına uyğun laboratoriya sistemlərinin qurulması, ölçmə və analiz metodlarının tətbiqi, laboratoriyalararası müqayisə sınaqlarının təşkili və laboratoriya avadanlıqlarından qarşılıqlı istifadə məsələləri ətrafında fikir mübadiləsi aparılıb.

Həmçinin birgə elmi-tədqiqat layihələrinin və nəşrlərin hazırlanması, elmi-praktiki tədbirlərin təşkili, tələbələrin istehsalat və laboratoriya təcrübələrinin keçirilməsi, Mərkəzin əməkdaşları üçün ixtisasartırma və xidməti təlimlərin təşkili imkanları nəzərdən keçirilib.

Görüşdə, eyni zamanda, beynəlxalq standartların tətbiqi, milli metod və standartların hazırlanması, eləcə də beynəlxalq qrant və fond proqramları çərçivəsində birgə layihələrin hazırlanması və təqdim edilməsi istiqamətində mümkün əməkdaşlıq məsələləri müzakirə edilib.