“Əməyin mühafizəsi” mövzusunda onlayn təlim keçirilib

Dövlət Əmək Müfəttişliyi Xidmətinin tabeliyində Əməyin Mühafizəsi Mərkəzinin Naxçıvan filialı və Naxçıvan Təlim Mərkəzinin birgə təşkilatçılığı ilə “Əməyin mühafizəsi” mövzusunda onlayn təlim təşkil olunub.

Təlimdə 32 müəssisəni təmsil edən 34 nəfər iştirak edib. Təlim zamanı Mərkəzin əməkdaşları təqdimatlarla çıxış edərək əməyin mühafizəsi sahəsində əsas tələblər, sağlam və təhlükəsiz əmək şəraitinin təmin edilməsi, həmçinin qüvvədə olan qanunvericiliyin müddəaları barədə iştirakçılara ətraflı məlumat veriblər.

Eyni zamanda müəssisələrdə əməyin mühafizəsi üzrə standart, norma və qaydaların tətbiqi, yeni qəbul edilmiş standartlar, eləcə də Əməyin Mühafizəsi Mərkəzinin fəaliyyət istiqamətləri və göstərdiyi metodiki dəstək diqqətə çatdırılıb.

Təlimin sonunda iştirakçıların mövzu ilə bağlı sualları cavablandırılıb, qarşılıqlı fikir mübadiləsi aparılıb.