Gəncədə ƏMAS-ın imkanları və yeniliklər, iş yerlərində əməyin mühafizəsi mövzularında maarifləndirici tədbir keçirilib

       Əmək və Əhalinin Sosial Müdafiəsi Nazirliyi yanında Dövlət Əmək Müfəttişliyi Xidməti tərəfindən Gəncə şəhərində maarifləndirmə tədbiri təşkil olunub.

          Tədbir “ƏMAS-ın imkanları və yenilikləri” və “İş yerlərində əməyin mühafizəsi” mövzularına həsr edilib.

          Maarifləndirmə tədbirində Gəncə-Daşkəsən regionu üzrə dövlət və özəl sektoru təmsil edən 44  işəgötürən iştirak edib.

          Tədbir çərçivəsində “Əmək və Məşğulluq” altsisteminin (ƏMAS) imkanları və yenilikləri barədə məlumat verilib,

       Həmçinin vakant və yeni yaradılmış iş yerləri barədə məlumatların vakansiya bankına daxil edilməsi zamanı nəzərə alınmalı məsələlər diqqətə çatdırılıb, vakansiya bankının işəgötürənlər üçün yaratdığı imkan və üstünlüklər barədə məlumat verilib.

        Çıxışlar zamanı iş yerlərində əməyin mühafizəsinin təşkili məsələlərinə toxunulub. Əməyin mühafizəsi sahəsində dövlət standartlarının tətbiqinin iş yerlərində təhlükəsizlik səviyyəsinin yüksəldilməsində rolu, sağlam və təhlükəsiz əmək şəraitinin yaradılmasının əhəmiyyəti, eləcə də “Vision Zero” konsepsiyasının əsas prinsipləri diqqətə çatdırılıb.

          Sonda iştirakçıların sualları cavablandırılıb və fikir mübadiləsi aparılıb.