Naxçıvan Texniki Kollecində əməyin mühafizəsi mövzusunda təlim keçirilib

Naxçıvan Dövlət Universitetinin tabeliyində fəaliyyət göstərən Naxçıvan Texniki Kollecinin müəllim və tələbə heyəti üçün iş yerlərində əməyin mühafizəsi mövzusunda növbəti maarifləndirici təlim təşkil olunub.

Naxçıvan şəhərində keçirilən təlim “İş yerlərində əməyin mühafizəsi, texniki təhlükəsizlik və iş yerlərinin attestasiyası” mövzusuna həsr edilib. Görüşdə kollecin 112 nəfər müəllim və tələbəsi iştirak edib.

Təlimçilər təqdimatlarla çıxış edərək əməyin mühafizəsi tələbləri, sağlam və təhlükəsiz əmək şəraitinin yaradılması, müəssisələrdə müvafiq norma və qaydaların tətbiqi, eləcə də yeni qəbul edilmiş standartlar barədə ətraflı məlumat veriblər.

Bundan əlavə, Əməyin Mühafizəsi Mərkəzinin fəaliyyət istiqamətləri də iştirakçıların diqqətinə çatdırılıb.

Təlimin sonunda suallar cavablandırılıb və iştirakçıları maraqlandıran mövzular ətrafında müzakirələr aparılıb.