Ötən il Dövlət Əmək Müfəttişliyi Xidməti tərəfindən 21 mindən çox müraciət araşdırılaraq cavablandırılıb

2025-ci il ərzində Əmək və Əhalinin Sosial Müdafiəsi Nazirliyi yanında Dövlət Əmək Müfəttişliyi Xidmətinə daxil olan 21 897 ərizə müvafiq qaydada araşdırılaraq cavablandırılıb.

Bununla yanaşı Xidmət tərəfindən 21 675 sorğu və məktuba baxılıb. Xidmətin rəhbər vəzifəli şəxsləri və əməkdaşları tərəfindən fərdi qaydada qəbul edilən vətəndaşların sayı isə 16 494 nəfər olub.
Daxil olan müraciətlər əsasən topdan və pərakəndə ticarət, avtomobillərin təmiri, tikinti, emal sənayesi, yaşayışın təşkili və ictimai iaşə, nəqliyyat və digər sahələrlə bağlı olub.

Hər bir müraciət qanunvericiliyin tələbləri əsasında cavablandırılıb, sorğu xarakterli müraciətlərə isə müvafiq izahatlar verilib.

 

https://youtube.com/shorts/z4soVg5KbfM?si=-rywubUiwD2FrZca