Şəhid Hüseynov Səbuhi Məhbub oğlunun ailəsi ziyarət edilib

Əmək və Əhalinin Sosial Müdafiəsi Nazirliyi yanında Dövlət Əmək Müfəttişliyi Xidmətinin Hüquq İdarəsinin rəisi İslam Həsənzadə ötən il antiterror əməliyyatlarında şəhid olmuş Hüseynov Səbuhi Məhbub oğlunun ailəsini Bakıda ziyarət edib.

Azərbaycan Prezidenti İlham Əliyevin Sərəncamlarına əsasən S.Hüseynov "Vətən uğrunda" medalı və 3-cü dərəcəli “Vətənə xidmətə görə” ordeni ilə təltif olunub.

Ailə ilə söhbət zamanı şəhidin keçdiyi şərəfli döyüş yolundan bəhs olunub, onun xatirəsinin əbədi olaraq yaşayacağı vurğulanıb. Xidmət əməkdaşları ailənin sosial vəziyyəti ilə maraqlanıb. 

Şəhidin ailəsinin sosial vəziyyətinin bundan sonra da həmişə diqqətdə saxlanacağı vurğulanıb.