Şəkidə “Uşaqların əmək hüquqları” mövzusunda maarifləndirmə təlimi keçirilib

Əmək və Əhalinin Sosial Müdafiəsi Nazirliyi yanında Dövlət Əmək Müfəttişliyi Xidməti tərəfindən Şəki Dövlət Peşə Məktəbində “Uşaqların əmək hüquqları” mövzusunda maarifləndirmə təlimi keçirilib.

Xidmətin Şəki-Zaqatala regional şöbəsi tərəfindən təşkil olunan təlim Azərbaycan Respublikasının İnsan Hüquqları üzrə Müvəkkili — Ombudsman tərəfindən 18 may – 18 iyun 2026-cı il tarixlərinin “İnsan Hüquqları Aylığı” elan edilməsi ilə əlaqədar baş tutub.

Təlimdə 20-yə yaxın məktəbli iştirak edib. Təlim zamanı şagirdlərə uşaqların əmək hüquqları, yetkinlik yaşına çatmayan şəxslərin əməyə cəlb olunması ilə bağlı qanunvericiliyin tələbləri, habelə əmək münasibətlərində hüquq və vəzifələr barədə məlumat verilib.

Sonda şagirdləri maraqlandıran suallar cavablandırılıb.