Ucarda daha 300 işçi əmək hüquqları və əməyin mühafizəsi mövzusunda maarifləndirilib

Əmək və Əhalinin Sosial Müdafiəsi Nazirliyi yanında Dövlət Əmək Müfəttişliyi Xidmətinin tərəfindən Ucar şəhərində maarifləndirmə tədbirləri davam edir.

Xidmətin Mərkəzi Aran regional şöbəsi, Əməyin Mühafizəsi Mərkəzi, Mərkəzi Aran Regional Məşğulluq filialının Ucar rayon xidmət şöbəsinin birgə təşkili ilə keçirilən 4 maarifləndirmə tədbirində 26 işəgötürən və 300 nəfər işçi iştirak edib.

Tədbir zamanı iştirakçılara Əmək Məcəlləsinə edilmiş son dəyişikliklər, əmək müqavilələrinin qanunvericiliyin tələblərinə uyğun bağlanılması, məzuniyyət hüququnun təmin olunması, əmək müqaviləsinə xitam verilməsinin əsasları və qaydaları barədə ətraflı məlumat verilib.

Eyni zamanda uşaqların əmək hüquqlarının qorunması, məcburi əmək və insan alverinin qarşısının alınması, iş yerlərində əməyin mühafizəsi, əməyin təhlükəsizliyi və gigiyenası, iş yerlərinin attestasiyası, Əməyin Mühafizəsi Mərkəzinin fəaliyyəti, eləcə də əməyin mühafizəsi sahəsində tətbiq olunan standartlar barədə maarifləndirmə aparılıb.

Tədbirin sonunda iştirakçıları maraqlandıran suallar cavablandırılıb, onlarla fikir mübadiləsi aparılıb.