Ümumdünya Əməyin Mühafizəsi Gününə həsr edilmiş tədbir keçirilib

Azərbaycan Sənaye Təhlükəsizliyi Assosiasiyası və Caspian Energy Clubun birgə təşkilatçılığı ilə keçirilən tədbirdə Dövlət Əmək Müfəttişliyi Xidmətinin rəis müavini Orxan Hüseynzadə də iştirak edib.

Tədbirdə əməyin mühafizəsi - təhlükəsiz və sağlam iş şəraitinin təmin edilməsi, əməyin mühafizəsi üzrə mütəxəssislərin bilik və bacarıqları müzakirə edilib. İş yerlərində təhlükəsiz əmək mədəniyyətinin təkmilləşdirilməsi istiqamətində dövlət nəzarətinin önəmli olduğu vurğulanıb.

Dövlət Əmək Müfəttişliyi Xidməti ilə əməyin mühafizəsi işinin təşkili sahəsində təcrübə mübadiləsi məqsədilə ölkəmizdə işgüzar səfərdə olan, görüşə xüsusi qonaq qismində dəvət alan Türkiyə Respublikası Əmək və Sosial Müdafiə Nazirliyinin Əməyin mühafizəsi və təhlükəsizliyi baş idarəsinin rəisi Muhammed Fatih Alodalı da çıxış edib. O əməyin mühafizəsi sahəsində Türkiyə təcrübəsi barədə ətraflı məlumat verib.