Xidmət əməkdaşlarının Vətən müharibəsinin altıncı ildönümü ərəfəsində məktəblilərlə növbəti görüşü
Əmək və Əhalinin Sosial Müdafiəsi Nazirliyi yanında Dövlət Əmək Müfəttişliyi Xidməti Vətən müharibəsinin VI ildönümü münasibətilə növbəti dəfə 18 nömrəli tam orta ümumtəhsil məktəbində şagirdlərlə görüş keçirib.
Vətən müharibəsi iştirakçıları olan Xidmət əməkdaşları Ramal Quliyev, Maarif Vəliyev və Kənan Heydərov şagirdlərə döyüş yolları və müharibə dövrünün xatirələri barədə danışıblar. Əməkdaşlar Ali Baş Komandan İlham Əliyevin rəhbərliyi ilə Azərbaycan Ordusunun qazandığı Zəfərdə iştirak etdiklərinə görə qürur hissi keçirdiklərini bildiriblər.
Görüş zamanı şagirdləri maraqlandıran Vətən müharibəsi, Azərbaycan Ordusunun döyüş yolu və qazanılmış Zəfərlə bağlı suallar cavablandırılıb.
Görüşün məqsədi gənc nəslin vətənpərvərlik ruhunda yetişməsinə dəstək vermək, Vətən müharibəsində əldə olunan Zəfərin əhəmiyyətini və qazilərin döyüş xatirələrini şagirdlərə çatdırmaq olub.
Paylaş:
LinkedIn
Facebook
Whatsapp
Telegram