“142” Çağrı Mərkəzinin əməkdaşları üçün növbəti təlim keçirilib

Əmək və Əhalinin Sosial Müdafiəsi Nazirliyi yanında Dövlət Əmək Müfəttişliyi Xidmətinin tabeliyində fəaliyyət göstərən Əməyin Mühafizəsi Mərkəzi tərəfindən “142” Çağrı Mərkəzinin əməkdaşları üçün təşkil olunan “Psixoloji Təhlükəsizlik” və “İlk Yardım” mövzularında təlimlər davam etdirilir.

Növbəti təlimdə Çağrı Mərkəzinin 22 əməkdaşı iştirak edib. Təlimlərin əsas məqsədi əməkdaşların peşəkar hazırlıq səviyyəsinin artırılması, iş mühitində təhlükəsizliyin və effektivliyin təmin olunması, “142” Çağrı Mərkəzinin fəaliyyətinin daha səmərəli təşkili, əməkdaşların sağlam və təhlükəsiz iş şəraitində çalışması, həmçinin vətəndaşlara göstərilən xidmətin keyfiyyətinin yüksəldilməsidir.

Təlim zamanı iştirakçılara stresin idarə olunması, emosional dayanıqlığın gücləndirilməsi, iş mühitində psixoloji təhlükəsizliyin təmin olunması ilə bağlı nəzəri və praktiki biliklər təqdim edilib. Eyni zamanda baş verə biləcək qəzalar zamanı ilkin tibbi yardımın göstərilməsi qaydaları barədə məlumat verilib.