Gəncədə işəgötürənlər üçün maarifləndirici tədbir keçirilib

Əmək və Əhalinin Sosial Müdafiəsi Nazirliyi yanında Dövlət Əmək Müfəttişliyi Xidməti və Xidmət tabeliyində Əməyin Mühafizəsi Mərkəzi tərəfindən Gəncə şəhərində işəgötürənlər üçün maarifləndirici tədbir keçirilib.

Tədbir  “Analığın mühafizəsi, qadınların əmək hüquqları və gender bərabərliyi”   mövzusunu əhatə edib. 

Tədbirdə Xidmətin Gəncə-Daşkəsən regional şöbəsini əhatə edən rayonlar üzrə dövlət və özəl sektora aid müəssisə və  təşkilatların nümayəndələri, Nazirliyin strukturuna daxil olan region üzrə digər qurumlarının, həmçinin ictimai birliklərin əməkdaşları iştirak ediblər.

Görüş zamanı qonaqlara müvafiq mövzular üzrə milli qanunvericiliyin norma və tələbləri barədə ətraflı məlumat verilib.

Əməyin Mühafizəsi Mərkəzinin gördüyü işlər barədə ətraflı məlumat qonaqların diqqətinə çatdırılıb və qurum haqqında ətraflı məlumat verib. Bildirilib ki, Mərkəz əmək hüquqları, əməyin mühafizəsi və təhlükəsizliyi sahəsində məsləhət xidmətləri göstərməklə, əməyin mühafizəsi üzrə standard, norma və qaydaların müəssisələrdə tətbiqinə mühüm dəstək göstərir.