Saatlı şəhərində işəgötürənlər üçün maarifləndirmə tədbiri keçirilib

Əmək və Əhalinin Sosial Müdafiəsi Nazirliyi yanında Dövlət Əmək Müfəttişliyi Xidməti Xidmətin tabeliyində Əməyin Müfafizəsi Mərkəzi ilə birgə Saatlı şəhərində “Əlilliyi olan şəxslərin əmək hüquqları” və “İş yerlərində atestasiyanın keçirilməsi qaydarları” mövzuları barədə növbəti maarifləndirici tədbir keçiriblər. 

Tədbirdə Xidmətin Mil-Muğan regional şöbəsinin əhatə etdiyi rayonlar üzrə dövlət və özəl sektora aid 82 müəssisə və  təşkilatların 188 nümayəndəsi, Nazirliyin strukturuna daxil olan region üzrə digər qurumlarının, Saatlı rayon İcra Hakimiyyətinin, həmçinin, ictimai birliklərin əməkdaşları iştirak ediblər.

Regional şöbənin əməkdaşı çıxış edərək əlilliyi olan şəxslərin əmək hüquqları ilə bağlı ətraflı məlumat verib, əmək qanunvericiliyinin tələblərini tədbir iştirakçılarının diqqətinə çatdırıb.

İş yerlərində atestasiyanın keçirilməsi qaydarları ilə bağlı çıxış edən “Əməyin Mühafizəsi Mərkəzi” publik hüquqi şəxsin (Mərkəz) əməkdaşı da öz növbəsində sahə üzrə qanunvericiliyin tələblərini qonaqların diqqətinə çatdırıb. Eyni zamanda qurum haqqında ətraflı məlumat verərək bildirilib ki, Mərkəz əmək hüquqları, əməyin mühafizəsi və təhlükəsizliyi sahəsində məsləhət xidmətləri göstərməklə, əməyin mühafizəsi üzrə standard, norma və qaydaların müəssisələrdə tətbiqinə mühüm dəstək göstərir. 

Görüş zamanı Saatlı rayon Uşaq və Ailələrə Dəstək Mərkəzi ilə Azərbaycan Dövlət İdarələri və İctimai Xidmət İşçiləri Həmkarlar İttifaqının Saatlı rayon komitəsinin rəhbərləri də  mövzu ətrafında nitq söyləyiblər.

Tədbirin sonunda işəgötürənləri maraqlandıran suallar cavablandırılıb.