Şəki Dövlət Peşə Təhsil Mərkəzində maarifləndirmə tədbiri keçirilib

Əmək və Əhalinin Sosial Müdafiəsi Nazirliyi yanında Dövlət Əmək Müfəttişliyi Xidməti tərəfindən təhsil müəssisələrində əməyin mühafizəsi sahəsində maarifləndirmə işlərinin gücləndirilməsi məqsədilə növbəti təlim Şəki Dövlət Peşə Təhsil Mərkəzində təşkil olunub.

Əməyin Mühafizəsi Mərkəzi tərəfindən keçirilən üç təlimdə təxminən 100 nəfərə yaxın inzibati heyət üzvü, fənn müəllimləri, istehsalat təlimi ustaları və tələbələr iştirak edib.

Maarifləndirici sessiyalar zamanı əməyin mühafizəsi üzrə təhlükəsizlik qaydalarına riayət olunmasının əhəmiyyəti, istehsalatda baş verə biləcək bədbəxt hadisələrin və peşə xəstəliklərinin qarşısının alınması istiqamətində görülən tədbirlər barədə iştirakçılara ətraflı məlumat verilib. Eyni zamanda, əməyin mühafizəsi mədəniyyətinin formalaşdırılması, təhlükəsiz əmək mühitinin yaradılması və hüquqi biliklərin artırılması ilə bağlı məsələlər müzakirə olunub.

Təlimlər interaktiv formatda davam etdirilib, iştirakçıları maraqlandıran suallar cavablandırılıb.

Qeyd edək ki, Dövlət Əmək Müfəttişliyi Xidməti tərəfindən təşkil olunan bu cür təlimlər təhsil müəssisələrində əməyin mühafizəsi sahəsində maarifləndirmə işlərinin gücləndirilməsinə və təhlükəsiz əmək mühitinin təşviqinə xidmət edir.