“Əmək sahəsində” standartlaşdırma (AZSTAND/TK 21) üzrə Texniki Komitənin növbəti iclası keçirilib

Normativ sənədlərin və standartların hazırlanması, onların layihələrinin razılaşdırılması, müzakirəsi, ekspertizası, onlara dəyişiklərin edilməsi, milli standartlaşdırma planının formalaşdırılması üzrə təkliflərin hazırlanması, standartlaşdırmaya dair qərarların icra edilməsi fəaliyyəti ilə məşğul olan Əmək və Əhalinin Sosial Müdafiəsi Nazirliyi yanında Dövlət Əmək Müfəttişliyi Xidmətinin “Əmək sahəsində” standartlaşdırma (AZSTAND/TK 21) üzrə Texniki Komitənin növbəti iclası keçirilib. 

İclasda AZSTAND/TK 21 standartlaşdırma sahəsində aparılan işlərin beynəlxalq təcrübəyə uyğunlaşdırılması, əmək və peşə sahəsi üzrə, eyni zamanda işlərin təhlükəsiz icrası, bədbəxt hadisələrin qarşısının alınması və təhlükəsiz iş şəraitinin təmin edilməsi, işçilərin sağlamlığının qorunması standartlaşma işinin təşkil edilməsi barədə, həmçinin Komitənin gündəliyi üzrə qaldırılan məsələlər müzakirə edilib. Müzakirələr nəticəsində -2024-cü ilə dair hazırlanan yeni Fəaliyyət Planı təqdim edilərək yekdilliklə qəbul edilib. 

Təsdiq ediləcək Fəaliyyət Planında əməyin mühafizəsi, həmçinin Azərbaycan Respublikası Prezidentinin 2023-cü il 23 yanvar tarixli 3721 nömrəli Sərəncamı ilə təsdiq olunmuş “Milli standartlaşdırma sisteminin beynəlxalq tələblərə uyğunlaşdırılmasına dair 2023-2025-ci illər üçün Dövlət Proqramı”na dair Tədbirlər Planının icrası ilə bağlı “Avropa İttifaqının müvafiq direktiv və qaydaları”nın siyahısı əsasında milli texniki reqlamentlərin və istinad edilmiş standartların hazırlanması nəzərdə tutulmuşdur.
Xatırladaq ki, AZSTAND/TK 21 standartlaşdırma sahəsində aparılan işlərin beynəlxalq təcrübəyə uyğunlaşdırılması, əmək və peşə sahəsi üzrə, eyni zamanda işlərin təhlükəsiz icrası, bədbəxt hadisələrin qarşısının alınması və təhlükəsiz iş şəraitinin təmin edilməsi, işçilərin sağlamlığının qorunması standartlaşma işinin təşkil edilməsi məqsədilə yaradılıb.