Dövlət Əmək Müfəttişliyi Xidməti Böyük Britaniyada keçirilən 3 beynəlxalq müsabiqədə qaliblər sırasında yer alıb

Əmək və Əhalinin Sosial Müdafiəsi Nazirliyi yanında Dövlət Əmək Müfəttişliyi Xidməti Böyük Britaniyada keçirilən daha 3 beynəlxalq müsabiqədə uğur qazanıb.

Xidmət həmin ölkədə təşkil olunan “Corporate Coaching and Recruitment Awards 2024” və “European Enterprise Awards 2024”, həmçinin “AI CSR Awards 2024” beynəlxalq müsabiqələrinin qalibləri sırasında yer alıb.

Dövlət Əmək Müfəttişliyi Xidmətinin fəaliyyət sahələrində aparılan islahatlar, işçi və işəgötürənlərə dəstək və maarifləndirmə tədbirləri müsabiqələrin təşkilatçıları tərəfindən yüksək qiymətləndirilib və Xidmət hər 3 müsabiqədə sertifikata layiq görülüb.