Əmək və Əhalinin Sosial Müdafiəsi Nazirliyi yanında Dövlət Əmək Müfəttişliyi Xidmətinin Bakı şəhər idarəsinin rəisi Həmid Ədhəmov 44 günlük Vətən müharibəsinin şəhidi baş leytenant Əlimov Elvin Nəsrəddin oğlunun ailəsini ziyarət edib.
Müharibədə şərəfli döyüş yolu keçmiş Elvin Əlimov Füzulinin işğaldan azad olunması uğrunda döyüşlərdə şəhidlik zirvəsinə ucalıb.
Azərbaycan Respublikasının Prezidenti İlham Əliyevin müvafiq Sərəncamları ilə "Vətən uğrunda", "İgidliyə görə", "Cəbrayılın azad olunmasına görə", "Füzulinin azad olunmasına görə" medalları ilə təltif edilib.
Görüşdə şəhidimizin döyüşlərdə göstərdiyi şücaətlərdən bəhs edilib, qəhrəman Vətən övladlarının xatirəsinin həmişə xalqımızın qəlbində yaşayacağı vurğulanıb. Dövlət başçısının göstərişi ilə şəhid ailələrinin sosial müdafiəsinin gücləndirilməsi istiqamətində aparılan genişmiqyaslı işlər qeyd olunub.
Şəhid Elvin Əlimovun ailəsi ilə bağlı olaraq da dəstək tədbirləri həyata keçirildiyi, ailənin bundan sonra da daim dövlətin qayğısı ilə əhatə olunacağı bildirilib.