Şəhid Zaur Əliyevin Şəkidə yaşayan ailəsi ziyarət edilib

Şəhid Zaur Əliyevin Şəkidə yaşayan ailəsi ziyarət edilib

Əmək və Əhalinin Sosial Müdafiəsi Nazirliyi yanında Dövlət Əmək Müfəttişliyi Xidmətinin əməkdaşları şəhid Əliyev Zaur Eldar oğlunun Şəki şəhərində yaşayan ailəsini ziyarət ediblər.

Vətən müharibəsində şücaətlər göstərən Z.Əliyev Prezident İlham Əliyevin Sərəncamları ilə “Vətən uğrunda”, “Suqovuşanın azad olunmasına görə” və “İgidliyə görə” medalları ilə təltif edilib.

Ailə ilə söhbət zamanı şəhidin keçdiyi şərəfli döyüş yolundan bəhs olunub, onun xatirəsinin əbədi olaraq yaşayacağı vurğulanıb.

Bildirilib ki, Zaur Əliyevin ailəsinə dövlətimiz tərəfindən daim diqqət və qayğı göstərilir. Onların sosial vəziyyətinin bundan sonra da həmişə diqqətdə saxlanacağı vurğulanıb.